Говийн Бага дархан цаазат газар
Манай Говьд тавтай морил
Говийн бага дархан цаазат газрын хамгаалалтын захиргаа 2012 оноос эхлэн хулан, хар сүүлт зээрийн тоо толгойн нарийвчилсан судалгааг хийж эхэлсэн бөгөөд энэ 10 гаруй жилд хулангийн тоо толгой 20 мянгаар, хар сүүлт зээрийнх 56 мянгаар нэмэгдсэн.
Энэ бол бидний ажлын бодит үр дүн, бахархал. Байгаль хамгааллын ажил ямагт гэгээн мөртэй байдаг.
Онгон дагшин чанараараа дэлхийд гайхагддаг говь нутгаа хайрлан хамгаалах үйл хэрэг өргөжин тэлэх болтугай.
Танилцуулга
Товч танилцуулга
Хүн төрөлхтөн үүссэн цагаасаа эхлэн эх дэлхийгээ шүтэж байгаль орчноос хамааралтай амьдарч ирсэн. Гэвч өнөө үед хүний хүчин зүйлээс хамааралтай уур амьсгалын өөрчлөлт, байгалийн нөөцийн зохисгүй ашиглалт зэрэг олон асуудлуудтай тулгарч, байгалийн нөөцийг зөвхөн ашиглахаас гадна хамгаалж, нөхөн сэргээх зайлшгүй шаардлага үүсээд байна. Иймд байгаль хамгааллын хамгийн дээд хэлбэр бол газар нутгаа дархлан хамгаалах юм. Байгаль дахь бүхий л зүйлс харилцан уялдаа холбоотой учир ховордсон амьтан, ургамлын амьдрах орчин, өвөрмөц тогтоцтой газруудыг цогцоор хамгаалах нь байгаль хамгааллын үр нөлөөг нэмэгдүүлдэг. 2025 оны байдлаар дэлхийн эх газрын 17.6% нь тусгай хамгаалалттай газар нутаг (ТХГН)-ийн сүлжээнд хамрагдсан бөгөөд энэ нь Хойд Америк тивийн нийт талбайгаас давсан үзүүлэлт юм. Монгол Улс нийт газар нутгийнхаа 20.8% хувьтай тэнцэх 32.8 сая га талбай бүхий 120 газрыг Улсын ТХГН-ийн сүлжээнд хамруулсан нь дэлхийн дундажтай харьцуулахад харьцангуй өндөр үзүүлэлт бөгөөд энэ нь монголчуудын байгальд ээлтэй уламжлалт ахуй болон төрийн бодлогын үр дүнг харуулж байна. Монгол Улсын ТХГН-ийн сүлжээнд нийт 120 газар бүртгэгдсэнээс 15 нь дархан цаазат газар, 33 нь байгалийн цогцолборт газар, 45 нь байгалийн нөөцийн газар, 14 нь дурсгалт газар байна.
Тоо баримт
Дархан газар тоогоор
Говь цөлийн экосистемийн онцлог нь зүйлийн бүрдлийн хувьд ядмаг байдаг хэдий ч эсрэгээрээ ховор содон зүйлээр баялаг. Тус нутагт тэмдэглэгдсэн 56 зүйл хөхтөн амьтан нь Монгол орны хөхтөн амьтдын ойролцоогоор 38 хувийг эзэлнэ.
Говийн Бага дархан цаазат газар
Байгаль ба хамгаалал
Мэдээллийн сан
Биологийн олон янз байдал
Ургамал
38 овог · 118 төрөл · 155 зүйл
Өдлөг хялгана, бор бударгана, баглуур, харгана — цөлөрхөг хээр ба жинхэнэ цөлийн бүлгэмдлүүд.
Хоёр нутагтан, мөлхөгчид
11 зүйл мөлхөгч · 1 зүйл хоёр нутагтан
Гүрвэл, могой болон Монгол бах. Экосистемийн тэнцвэрийг хадгалах чухал холбоос.
Шувууд
22 баг · 46 овог · 302 зүйл
Монгол орны нийт шувуудын талаас илүү хувь. Нүүдлийн шувуудын түр буудаллах чухал цэг.
Хөхтөн амьтад
56 зүйл · Монгол орны ~38%
Хулан, аргаль, янгир, хар сүүлт зээр, мануул, цоохор ирвэс.
Мэдээ мэдээлэл
Төмөр замын өргөст торны бүтцийн шинэчлэлт
Өмнөговь аймгийн Ханбогд сумын ЗДТГ-ын захирамжаар байгуулагдсан ажлын хэсэг 2026 оны 6 дугаар сарын 4-ний өдөр малын гоц халдварт өвчний тандалтаар явж байхдаа Тавантолгой–Гашуунсухайт чиглэлийн төмөр замын өргөст торонд гацсан хулантай таарч, торноос салгав.
Зэрлэг амьтад идэш тэжээл, ус бэлчээр хайж нүүдэллэх явцдаа төмөр замын өргөстэй хориг хашаанд орооцолдон гэмтэх, улмаар үрэгдэх эрсдэл гарсаар байна.
Дурсгалт газрууд
Зо газрууд
